Ауа райы
Астана 11 °С
Алматы 20 °С
валюта бағамы
USD 386.70
EUR 427.15
RUB 6.06
CNY 54.57

Қазақстанда қолма-қол ақшасыз есеп айырысу көлемі 2 еседен астам өсті

2019 жылдың 19 тамыз 2019 14:13

НҰР-СҰЛТАН. ҚазАқпарат – 2019 жылдың бірнші жартыжылдығында Қазақстанда қолма-қол ақшасыз есеп айырысу көлемі 2 еседен астам өсті, деп хабарлайды ҚазАқпарат тілшісі ranking.kz сайтына сілтеме жасап.

«2019 жылдың қаңтар-маусымында қолма-қол ақшасыз есеп айырысу көлемі жыл ішінде 2 еседен астамға өсіп, 4,8 трлн теңгені құрады. Ал осы кезеңдегі транзакциялар саны 192,8 миллионнан 460,3 миллионға дейін артты. Өткен жылдың сәйкес кезеңінде қолма-қол ақшасыз төлемдердің сомасы 2,2 трлн теңгені құраған еді», - де жазады портал.

2018 жылдың ішінде интернет арқылы бөлшек сауда көлемі 144,6 млрд теңгені құрап, бөлшек сауданың жалпы көлеміндегі үлесі 1,4 пайызға тең болды.

ҚР Сауда және интеграция министрлігінің мәліметінше, сауда-саттықтың шамамен 40 пайызы әлі де көлеңкеде қалып отыр, яғни салық салынбайды. Сауданы көлеңкеден шығару тетіктерінің бірі – сауда инфрақұрылымдарын, оның ішінде сауда базарларын жаңғырту. Мәселен, тұрақсыз базарлардың барлығын кезең-кезеңімен заманауи сауда форматына көшіру жоспарланған.

Көтерме-бөлу орталықтарының құрылысы бойынша да жұмыс жүргізіліп жатыр. Бұған қоса, ведомство электронды коммерция саласын дамыту бойынша жұмыс жүргізуде.

Автор Марлан Жиембай
Басты сөздер: Экономика, Қаржы,
Жоғары қарай