Ауа райы
Астана -20 °С
Алматы -9 °С
валюта бағамы
USD 386.44
EUR 428.37
RUB 6.06
CNY 54.93

Қазақстандықтардың жаңа көліктерге сұранысы қандай

2019 жылдың 17 шілде 2019 12:35

НҰР-СҰЛТАН. ҚазАқпарат – Биыл жарты жылда Қазақстанда 31 мыңға тарта жаңа жеңіл автокөлік сатып алынды, оның ішінде 17 мыңнан астамы елімізде құрастырылған. Бұл туралы ҚазАқпарат EnergyPromға сілтеме жасап хабарлайды.

«2019 жылдың маусым айында коммерциялық жеңіл көліктерді қоса есептегенде қазақстандықтар 6 мыңнан асатын автомобиль сатып алды. Бұл көрсеткіш мамыр айына қарағанда 2,7 пайызға, ал былтырғы маусым айымен салыстырғанда 12,5 пайызға артық. Жалпы, бірінші жартыжылдықта жаңа жеңіл көліктердің сатылымы 30,8 мыңға жетіп, өсім 18,3 пайызды құрады», - делінген хабарламада.

Атап айтқанда, сатып алынған отандық көліктер үлесі бір жылда 47,1-ден 55,8 пайызға дейін өсті, сондай-ақ импорттық автомобильдер сәйкесінше 52,9-дан 44,2 пайызға дейін қысқарды.

Қазақстандық зауыттардан шыққан жеңіл көліктердің сатылымы 40,1 пайызға артты, яғни жартыжылдықта 17,1 мың автокөлікке дейін жетті. Өткізілген импорттық машиналар 13,6 мыңды құрады.

Бұдан бұрын хабарланғандай, биылғы бірінші жартыжылдықта Қазақстан азаматтары 282,5 млрд теңгеге 30 754 жаңа жеңіл көлік және жеңіл коммерциялық автомобиль сатып алды.

Автор Руслан Ғаббасов
Басты сөздер: Өнеркәсіп, Қоғам,
Жоғары қарай