Ауа райы
Астана -19 °С
Алматы -5 °С
валюта бағамы
USD 383.95
EUR 429.26
RUB 6.16
CNY 55.02

Келес ауданының әкімі ауыл тұрғындарымен кездесті

2019 жылдың 16 қараша 2019 04:38

КЕЛЕС. ҚазАқпарат – Түркістан облысы, Келес ауданының әкімі және «Nur Otan» партиясы аудандық филиалының төрағасы Ақментай Есбаев, төрағаның бірінші орынбасары Ахмет Жұмабеков пен мәслихат депутаты, фракция мүшесі Марқабай Есіркепов және тиісті бөлім, мекеме басшылары Бірлік ауылының тұрғындарымен кездесті қатысты, деп хабарлайды ҚазАқпарат тілшісі.

Елбасы, партия Төрағасы Н.Ә.Назарбаевтың саяси ұйымды қайта жаңғырту бағдарламасын іске асыру аясындағы тапсырмасына сәйкес ұйымдастырылған жиын барысында «Алпамыс» Бастауыш партия ұйымының төрағасы О.Арыстанбеков жұртшылықты «Сенім. Диалог. Болашаққа нық қадам» - «Nur Otan» партиясының 7 серпіні» атты бағдарламасымен таныстырды.
Кездесу барысында ауыл округіндегі ауыз су проблемасы мен көшелерге шағал төсеу, жарықтандыру мәселелері сөз болды. Басталған көше жөндеу құрылысын аяқсыз қалдырмау, көпір жөндеу, оқушыларды тасымалдауға көлік бөлу, айналма жол ретінде берілген Абай-Бірлік бағытындағы бүлінген жолды жөндеу жайы қамтылды. Сондай-ақ электр жарығы, аудан орталығынан тасымалдау көлігін ұйымдастыру, мектеп жөндеу, бастауыш мектеп салу мәселелері көтерілді.
Филиал төрағасы А.Есбаев айтылған проблемаларды шешу бойынша атқарылып жатқан жұмыстарды атап өтіп, бірқатар мәселелер бойынша зерделеу және ұсыныстар беру жайлы тиісті бөлім және мекеме басшылары мен ауылдық округ әкіміне нақты тапсырма берді.
Жоғары қарай