Ауа райы
Астана 0 °С
Алматы 7 °С
валюта бағамы
USD 388.70
EUR 428.70
RUB 6.08
CNY 55.46

Кентауда газ баллоны жарылып, 14 жасар қыз зардап шекті

2019 жылдың 15 қазан 2019 10:50

КЕНТАУ. ҚазАқпарат – Түркістан облысында Кентау қаласы маңындағы жер үйде газ баллоны жарылып, артынша өрт тұтанған, деп хабарлайды ҚазАқпарат ҚР ІІМ Төтенше жағдайлар комитетіне сілтеме жасап.

Апат салдарынан 14 жасар қызды күйік шалған.

«14 қазан күні 11:16-да Түркістан облысының Кентау қаласынан 20 шақырым жердегі Жүйнек ауылында уақытша тұру үшін салынған үйде газ баллоны жарылып, 32 шаршы метрді жалын шарпыды», - делінген хабарламада.

Өрт сөндірушілер жалынды 12:28-де өшірді. 2005 жылғы қыз күйік шалып ауруханаға жеткізілді.

Қолда бар дерекке сүйенсек, апаттың себебі – газ баллоны редукторында ақау болған.

Өртті сөндіруге облыстық ТЖД 7 қызметкері және 2 техника жұмылдырылған.




Автор Айнұр Ақбаева
Басты сөздер: Оқиға, Түркістан облысы,
Жоғары қарай