Ауа райы
Астана -17 °С
Алматы -1 °С
валюта бағамы
USD 388.49
EUR 427.26
RUB 6.06
CNY 55.32

Колония мен түрме қызметкерлерінің жалақысы өседі

2019 жылдың 20 қыркүйек 2019 16:41

НҰР-СҰЛТАН. ҚазАқпарат – Еліміздің қылмыстық атқару жүйесі қызметкерлерінің жалақысын көтеру жоспарланып отыр. Бұл туралы бүгін Сенат депутаттарының ішкі істер органдарын жаңғырту мәселелері жөніндегі көшпелі отырысында ҚР Ішкі істер министрінің орынбасары Алексей Калайчиди айтты, деп хабарлайды ҚазАқпарат тілшісі.

Көшпелі отырыс барысында министр орынбасары қылмыстық атқару жүйесі қызметкерлерінің жалақысын көтеруге бағытталған жұмыстардың жүргізіліп жатқанын айтты.

«Қылмыстық атқару жүйесі қызметкерлерінің жалақысы көтеріледі. Жедел қызметкерлердің жалақысы - 25, ал қалған қызметкерлердің жалақысы - 20 пайызға артады. Бұл жұмыс жалғасып жатыр», - деді ол.

Сонымен қатар «апробация мерзімінде есепте тұрған құқық бұзушылардың» тәуекелін бағалау тетігін енгізу мәселесіне де тоқталды.

«Біз екі форум өткізіп, ведомствоаралық үлкен жұмыс тобын құрдық және қазіргі уақытта сол жақта жұмыс істеп жатырмыз. Бұл жұмыс тобында көтерілген ұсыныстар тек қана біздің полиция қызметкерлері тарапынан ғана болмауы үшін жасалып жатыр. Салалық сарапшылар қауымдастығы тарапынан да барынша толықтырулар болғанын қалаймыз. Апробация қызметінің психологын жеткізуге қатысты айтар болсақ, 44 психолог енгізілді. Бұл жұмыс жалғасып жатыр», - деді Алексей Калайчиди.


Автор Марлан Жиембай
Басты сөздер: Заң, ҚР ІІМ,
Жоғары қарай