Ауа райы
Астана -8 °С
Алматы -8 °С
валюта бағамы
USD 377.19
EUR 408.99
RUB 5.93
CNY 54.02

Коронавирус: Жабық кешендегі IX Азия чемпионаты Қытайда өтпейтін болды

2020 жылдың 28 қаңтар 2020 08:25

НҰР-СҰЛТАН. ҚазАқпарат – Қытайдың Ухан қаласында (Хубэй провинциясы) тараған коронавирус ауруына байланысты Ханчжоуда жоспарланған жабық кешендегі IX Азия чемпионаты өтпейтін болды, деп хабарлайды ҚазАқпарат тілшісі.

ҚР Ұлттық олимпиадалық комитеті хабарлағандай, құрлықтық біріншілік 12-13 ақпан күндері Қытайдың Ханчжоу қаласында өтуі тиіс болған. Алайда, Қазақстан жеңіл атлетика федерациясының баспасөз қызметіне жарыстың өтпейтіндігі туралы Азия жеңіл атлетика қауымдастығынан хат келген. Онда жарыстың болмайтыны туралы айтылған. Басқарма президенті Дахлан аль-Хамад құрлықтық қауымдастық атынан вирустың таралуына алаңдаулы екенін жеткізген.

Естеріңізге сала кетейік, осыған дейін Уханда 3-14 ақпан аралығында өтетін 2020 жылғы Токио Олимпиадасына Азия/Тынық мұхиты елдерінің боксшыларын іріктеуді кейінге қалдыру шешімі қабылданған болатын.

Кейіннен бұл аталған іріктеу турнирді Халықаралық Олимпиада комитетінің жұмыс тобы 3-11 наурыз аралығында Иорданияның Амман қаласында өткізетін болып шешті.


Фото: olympic.kz
Автор Күнсұлтан Отарбай
Басты сөздер: Спорт, Коронавирус,
Жоғары қарай