Ауа райы
Астана 4 °С
Алматы 2 °С
валюта бағамы
USD 435.54
EUR 473.08
RUB 5.76
CNY 61.64

Қостанайда екі көлік соқтығысып, үш адам көз жұмды

2020 жылдың 3 қаңтар 2020 21:02

ҚОСТАНАЙ. ҚазАқпарат – Қостанай облысында екі көлік соқтығысып, үш адам көз жұмды, деп хабарлайды ҚазАқпарат.

Оқиға бүгін «Қостанай-Сарыкөл» тасжолының 15-ші шақырымында болған. 44 жастағы ер адам басқарған «Мицубиси Лансер» автокөлігі жолдың қарсы бағытына шығып кетіп, «ВАЗ 2170» көлігіне соқтығысқан.

«33 жастағы «ВАЗ» жүргізушісі оқиға орнында, 5 жасар бала облыстық балалар ауруханасында көз жұмды. «Мицубиси Лансер» жолаушысы жедел-жәрдем қызметінің көлігінде көз жұмды. Осы факт бойынша сот алды тексеру шаралары басталды, сараптама тағайындалды», - деді полицияның баспасөз хатшысы Ирина Беженарь агенттік тілшісіне.

Қостанайлық полицейлер көлік жүргізушілерін барынша сақ болуға шақырады. Алдағы аптада облыстың тасжолдарында көктайғақ болатынын ескертеді.


Жоғары қарай