Ауа райы
Нұр-Сұлтан 27 °С
Алматы 30 °С
валюта бағамы
USD 378.38
EUR 431.05
RUB 6.02
CNY 55.00

Қостанайдың басты көшесі Назарбаев есімімен аталатын болды

2019 жылдың 20 наурыз 2019 22:52 1028

 ҚОСТАНАЙ. ҚазАқпарат - Қостанай қаласындағы Абай даңғылы енді Нұрсұлтан Назарбаев даңғылы болып аталады. Бұл туралы бүгін Қостанай қалалық мәслихатының кезектен тыс сессиясында мәлім етілді, деп хабарлайды ҚазАқпарат тілшісі.

Қостанай қалалық мәслихатының хатшысы Бағытбек Сәндібековтің мәлімдемесіне сәйкес, депутаттар Президент Қасым-Жомарт Тоқаевтың Қазақстанның Тұңғыш Президенті құрметіне облыс орталықтарының бас көшелерін қайта атау туралы ұсынысын қолдау туралы бастама көтерді.

Бүгін Қостанай қалалық мәслихатының кезектен тыс сессиясында депутаттар облыс орталығындағы Абай даңғылын Нұрсұлтан Назарбаев даңғылына өзгерту жөніндегі ұсынысты бірауыздан қолдады.

Әлеуметтік ғылымдар докторы, Қостанай облысының Құрметті азаматы, Журналистер одағының облыстық филиалының төрағасы Сергей Харченконың айтуынша, Нұрсұлтан Назарбаев - халқының алдында сіңірген еңбегі үшін егемен Қазақстанның жылнамасына кіруі қажет тарихи тұлға.

«Ол Кеңес Одағы ыдырағаннан кейін де елдің егемендгін сақтай алды, жаңа экономикалық саясат құра бастады, өндірісті дамытуға баса назар аударды. Өйткені мұндай қадамдар сол уақытта қиын болатын, шыны керек, көпшілігі жарқын болашаққа сенбеді. Ал Елбасы бізге мұндай шаттықты күнді сыйлады. Сондықтан да оның есімін облыс орталығындағы бас көшеге берген дұрыс шешім», - деді С.Харченко агенттік тілшісіне.

Айта кетейік, Абай көшесі Қостанай қаласындағы басқа бір көшеге ауыстырылады. Нақты қайда көшірілетіні қаралуда.



Фото: alau.kz

 

 

 

Жоғары қарай