Ауа райы
Астана 4 °С
Алматы 3 °С
валюта бағамы
USD 388.96
EUR 432.21
RUB 6.09
CNY 54.99

ҚР Экология, геология және табиғи ресурстар министрі тағайындалды

2019 жылдың 17 маусым 2019 16:50

НҰР-СҰЛТАН. ҚазАқпарат - ҚР Президенті Қасым-Жомарт Тоқаевтың Жарлығымен Мағзұм Маратұлы Мырзағалиев Қазақстан Республикасының Экология, геология және табиғи ресурстар министрі болып тағайындалды, деп хабарлайды Ақорда.

«Мағзұм Маратұлы Мырзағалиев Қазақстан Республикасының Экология, геология және табиғи ресурстар министрі болып тағайындалсын», - делінген Жарлық мәтінінде.

Мағзұм Мырзағалиев 1978 жылы Алматы қаласында дүниеге келген. «Тұран» университетін (1999 ж.) және Л.Н.Гумилев атындағы Еуразия ұлттық университетінің Дипломатиялық академиясын бітірді (2003), Ш.Есенов атындағы Каспий мемлекеттік технологиялар және инжиниринг университетін (2010) тәмандаған.

2001-2004 жылдары Теңіз және Батыс Сібір кен орындарында бұрғылау ерітіндісінің инженері болған. АҚШ және Малайзияда тәжірибеден өткен.

2004-2007 ж.ж. - Өндіріс жөніндегі менеджер (MI Drilling Fluids International компаниясының Ақтаудағы филиалының басшысы).

2007-2010 жылдары - «ТеңізСервис» ЖШС бас директоры.

2010-2012 жылдары - «ҚазМұнайГаз» ҰК АҚ сервистік жобалар жөніндегі басқарушы директоры.

2012-2013 жылдары - «ҚазМұнайГаз» ҰК АҚ Инновациялық даму және сервистік жобалар жөніндегі басқарма төрағасының орынбасары.

2013-2014 жылдары - Қазақстан Республикасының Мұнай және газ вице-министрі.

2014 жылдың тамыз айынан бастап - ҚР Энергетика вице-министрі.

Басты сөздер: Ақорда, Тағайындау,
Жоғары қарай