Ауа райы
Астана -3 °С
Алматы 8 °С
валюта бағамы
USD 388.07
EUR 427.54
RUB 6.08
CNY 55.36

ҚР Қорғаныс министрі десант әскерлерін дабыл бойынша көтерді

2019 жылдың 3 қазан 2019 20:16

ҚАПШАҒАЙ. ҚазАқпарат - ҚР Қорғаныс министрі Нұрлан Ермекбаев Қапшағай гарнизонында Десанттық-шабуылдау әскерлерінің әскери бөлімдерін және радиациялық, химиялық және биологиялық қорғаныс бөлімін дабыл бойынша көтерді. Бұл туралы ҚазАқпарат министрліктің баспасөз қызметіне сілтеме жасап хабарлайды.

Басты мақсат бөлімшелердің арналым бойынша тапсырмаларды орындаудағы қабілеттерін тексеру болды.

Толықтай жауынгерлік дайындыққа келтірілгеннен кейін бөлімше белгіленген аудандарға марш жасап, ол жерде қойылған оқу-жауынгерлік тапсырмаларды орындады. Командирлермен әртүрлі шешімдер қабылданды.




Тексеріс барысында жеке құрамның шаттық қару-жарақтармен іс-қимылдарына, тәжірибелік оқ атуларды орындалуына, жауынгерлік даярлық пәндері бойынша нормативтерді жүргізуге және пысықтауға ерекше назар аударылды.

Тексеру нәтижелері бойынша Қорғаныс министрі жауынгерлік әзірлікті қажетті деңгейде ұстау жөнінде нақты тапсырмалар берді.




Жоғары қарай