Ауа райы
Астана -3 °С
Алматы 1 °С
валюта бағамы
USD 389.75
EUR 434.26
RUB 6.12
CNY 55.05

ҚР Сенатының жаңа веб-сайты іске қосылды

2019 жылдың 2 қыркүйек 2019 23:24

НҰР-СҰЛТАН. ҚазАқпарат –Бүгіннен бастап Қазақстан Республикасы Парламенті Сенатының жаңа веб-сайты іске қосылды, деп хабарлайды ҚазАқпарат ведомствоның баспасөз қызметіне сілтеме жасап.

Веб-сайтқа http://senate.parlam.kz/ сілтемесі арқылы кіруге болады.

Жаңартылған ресми сайт арқылы сенаторлармен байланыс жасау мүмкіндігі кеңейді. Сенат депутаттарының жеке парақшаларында өтініш не қызықтыратын сұрақтарды қалдыруға болады. Заң жобасын ұсыну айдарында кез келген азамат тұрақты комитеттердің қарауына заңдарды ұсына алады. Сондай-ақ, порталда маңызды құжаттар, заң жобалары, стеннограммалар толығымен жарияланды. Депутаттық сауалдар мен палатаның ұсыныстарын бөлек айдардан көруге болады.

Сенаттың пленарлық отырыстары, комитет жиындары мен басқа да іс-шаралары тікелей эфир арқылы көрсетіледі.

Сайт арқылы Сенаттың әлеуметтік желілердегі ресми парақшаларына да өтуге болады. Жаңалықтарды әлеуметтік желілер арқылы оқитындар үшін:

Instagram: https://www.instagram.com/senate_kz/

Facebook: https://www.facebook.com/senat.qazaqstan

Twitter: https://twitter.com/senate_kz

Youtube: https://www.youtube.com/channel/UCN7ci5peVk5J1KdWckbyKBA

Естеріңізге сала кетейік, Сенат төрағасы Дариға Назарбаева IV сессия қорытындысы бойынша өткен Сенат отырысында палата қызметі барынша ашық болатынын айтқан еді.

«Бұл бағытта бірқатар жұмыстар қолға алынды. Сенаттың сайты жаңартылып, Парламент жоғарғы палатасының заңнамалық және жұмыс материалдарына күзден бастап қол жетімді болады»,- деді Д. Назарбаева.


Басты сөздер: Интернет, Сенат,
Жоғары қарай