Ауа райы
Астана 5 °С
Алматы 1 °С
валюта бағамы
USD 435.54
EUR 473.08
RUB 5.76
CNY 61.64

Қытайда пневмониядан адамның қайтыс болу жағдайы тіркелді

2020 жылдың 11 қаңтар 2020 11:30

БЕЙЖІҢ. ҚазАқпарат – Қытайдың орталық бөлігіндегі Ухань қаласында анықталмаған вирус салдарынан бір адам көз жұмды, деп хабарлайды ҚазАқпарат жергілікті денсаулық сақтау органына сілтеме жасап.

«2020 жылдың 10 қаңтарындағы жағдай бойынша коронавирустың жаңа түрі 41 адамнан табылды. Олардың жетеуі ауыр халде жатса, біреуі қаза тапты. Екеуі ауруханадан емделіп шықты», - делінген Ухань қалалық денсаулық сақтау органының хабарламасында.

Жергілікті БАҚ-тың мәліметінше, коронавирустың жаңа түрінен көз жұмған адам 61 жастағы Ухань қаласының тұрғыны. Ол қаладағы базарлардан үнемі теңіз өнімдерін сатып алып жүрген.

Қазіргі уақытта 739 адам дәрігерлердің бақылауында, солардың ішінде 419 медицина қызметкері бар. 2020 жылдың 3 қаңтарынан бастап коронавирустың жаңа түріне шалдыққандар тіркелген жоқ.

Еске салайық, Қытай билігі 31 желтоқсанда Ухань қаласында пневмонияның беймәлім түріне кем дегенде 27 адамның шалдыққанын, соның ішінде жетеуі ауыр халде хатқанын хабарлаған болатын. Ауру жұқтырғандардың басым бөлігі қаладағы теңіз өнімдері сатылатын базарға барған: қазіргі уақытта базар жабылды. 9 қаңтарда зертханалық зерттеулер көрсеткендей, бұл аурудың өршуіне жаңа типтегі коронавирус ықпал еткен.

Осыған дейін Қытайда белгісіз пневмонияға шалдыққандар саны 59 адамға жеткендігі хабарланды.


Руслан Сүлейменов


Жоғары қарай