Ауа райы
Астана 7 °С
Алматы 6 °С
валюта бағамы
USD 389.59
EUR 429.06
RUB 6.05
CNY 55.07

Қызылордада екі қыз баланы қағып өлтірген жүк көлігінің жүргізушісі сотталды

2019 жылдың 8 қыркүйек 2019 11:59

ҚЫЗЫЛОРДА. ҚазАқпарат - Қызылордада екі қыз баланы қағып кетіп өлтірген жүк көлігінің 38 жастағы жүргізушісі сотталды, деп хабарлайды ҚазАқпарат тілшісі.

Бұл оқиға 2019 жылдың 30 мамырында болған. Қызылорда қаласына қарасты Белкөл кентіндегі Әбдіқадыров көшесі бойында «КаМАЗ» жүк көлігі келе жатқан. Ауыр көлік жол жиегінде ойнап жүрген екі бүлдіршін қызды қағып кеткен. Нәтижесінде олардың бірі оқиға орнында көз жұмса, екіншісі балалар ауруханасында барғаннан кейін қайтыс болды. Жүк көлігінің жүргізушісі сол сәтте мас болғаны анықталды.

«Бұл оқиға бойынша ҚР Қылмыстық кодексінің 345-бабының 4-бөлігімен, 347-бабымен қылмыстық іс қозғалды. Ер адам тоғыз жылға бас бостандығынан айырылды», - деп мәлім етті Қызылорда қаласының №2 сотының баспасөз қызметінен.

Бұдан бұрын Қызылордада жүргіншілер жолында көлік адам қаққанын хабарлаған едік.



Жоғары қарай