Ауа райы
Астана -1 °С
Алматы -1 °С
валюта бағамы
USD 432.55
EUR 470.83
RUB 5.84
CNY 61.31

Қызылордада жалған дипломмен жұмыс істеген шетелдіктер анықталды

2020 жылдың 8 қаңтар 2020 22:14

ҚЫЗЫЛОРДА. ҚазАқпарат - Қызылорда облыстық прокуратурасы өңірдегі компанияда жалған құжаттармен жұмысқа орналасқан 120 шетелдікті анықтады, деп хабарлайды ҚазАқпарат тілшісі.

Облыстық прокуратура осы бағытта тексеру жүргізген болатын. Нәтижесінде еліміздің көші-қон заңын бұзған және жалған құжаттармен жұмысқа орналасқан шетел азаматтары анықталды.

«Жұмыс күшін тартуға заңсыз рұқсат алған компания 120 шетел азаматының жалған дипломмен жұмыс істеуіне жол берген. Тексеру қорытындысы бойныша олардың барлығы республика аумағынан шығарылды», деп мәлім етті Қызылорда облыстық прокуратурасының баспасөз хатшысы Ғабит Ұзақбай.

Оның хабарлауынша, түрлі мекемелердің жалақы берешегін азайту бағытында да нақты жұмыстар жүргізіліп келеді. Бұдан бұрын түрлі мекемелерде жұмысшыларға 150 млн теңге қарыз қалыптасқан. Прокурорлардың араласуынан кейін мыңдаған азаматтың жалақысы өндірілді. Қазір берешек қарыз он есеге төмендеді.


Жоғары қарай