Ауа райы
Астана -6 °С
Алматы -1 °С
валюта бағамы
USD 381.10
EUR 420.81
RUB 5.65
CNY 54.57

Қызылордада жеңіл автокөліктен 16 келі марихуана табылды

2020 жылдың 17 қаңтар 2020 03:15

ҚЫЗЫЛОРДА. ҚазАқпарат - Қызылорда облысында жеңіл көлікпен 16 келіден астам есірткі тасымалдаған адам қолға түсті, деп хабарлайды ҚазАқпарат тілшісі.

Биылғы жылдың 15 қаңтарында Қызылорда облысының полиция қызметкерлері жедел-профилактикалық іс-шараларын жүргізді. Нәтижесінде Қармақшы ауданы тұсындағы «Батыс Еуропа-Батыс Қытай» тасжолының бойында тоқтатылған жеңіл автокөліктен есірткі табылды.

«Тексеру жүргізу барысында автокөліктің артқы жүк салғышынан ерекше иісі бар сөмке және артқы жолаушылар орындығынан сол тәріздес шөп салынған 2 дана пластикалық құты алынды. Сараптама қорытындысы бойынша ерекше иісі бар заттар 16 кг. 788,65 гр. кептірілген марихуана екендігі анықталған. Бүгінгі күні күдікті Қармақшы ауданы Полиция бөлімінің уақытша ұстау абақтысына қамауға алынды. Бұл іс бойынша ҚР Қылмыстық кодексінің 297-бабы 3-бөлігімен сотқа дейінгі тергеп-тексеру амалдары жүргізілуде. Онда есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу жағдайы көрсетілген», деп мәлім етті Қызылорда облысының полиция департаменті.


Жоғары қарай