Ауа райы
Астана -21 °С
Алматы -9 °С
валюта бағамы
USD 386.44
EUR 428.37
RUB 6.06
CNY 54.93

Литвада академиялық қауымдастық көшбасшыларының халықаралық саммиті өтуде

2019 жылдың 14 қазан 2019 19:40

НҰР-СҰЛТАН. ҚазАқпарат - Каунас қаласында академиялық қауымдастық көшбасшыларының халықаралық саммиті өтуде, деп хабарлайды Гумилев атындағы ЕҰУ баспасөз қызметі.

«QS in conversation. Халықаралық ынтымақтастық арқылы танымалдылықты арттыру: ұтқырлық, тану, брендинг» атты ссаммитті Л.Н.Гумилев атындағы Еуразия ұлттық университеті мен Витаутас Магнус (Литва, Каунас қ.) университеті және QS Quacquarelli Symonds халықаралық компаниясы бірлесіп ұйымдастырып отыр.




Саммитке Қазақстан, Ресей, АҚШ, Литва, Латвия, Ұлыбритания, Жапония, Корея, Түркия, Әзербайжан, Эстония, Эфиопия, Польша, Украина, Өзбекстан сияқты елдердің өкілдері қатысуда. Саммитте жоғары білім саласындағы жаһандық міндеттер, әлемдік қауымдастықты нығайтудағы университеттердің рөлін анықтау, халықаралық жоғары білім беру жүйесіндегі трендтер жан-жақты талқыланды.




Халықаралық жиын барысында Quacquarelli Symonds британдық консалтинг компаниясының өңірлік директоры Зоя Зайцева, британдық «The Guardian» газетінің редакторы Рейчел Холл, белгілі журналист Стивен Хоар, Еуразия ұлттық университетінің ректоры Ерлан Сыдықов, Витаутас Магнус университетінің ректоры Юозас Аугутис, Сколков ғылым және технологиялар институтының факультет деканы Клемент Фортин және басқалар сөз алып, өз ой-пікірлерімен бөлісті.




Саммит соңында «QS EECA University Rankings 2019 - Дамушы Еуропа мен Орталық Азия университеттерінің QS 2019» рейтингісінің нәтижелері жарияланады деп күтілуде.

Сондай-ақ осы шара аясында ЕҰУ ректоры Ерлан Сыдықовтың төрағалық етуімен Қазақстанның жоғары оқу орындары ректорлары кеңесінің отырысы өтіп, онда Литва университеттерімен ынтымақтастық мәселелері де пысықталмақ.







Басты сөздер: ЖОО-лар, Ғылым, Білім, Еуропа,
Жоғары қарай