Ауа райы
Астана -7 °С
Алматы 0 °С
валюта бағамы
USD 379.75
EUR 415.18
RUB 5.78
CNY 54.19

Марат Ахметжанов: «Қазақмыс» кеңсесіндегі оқиға бойынша қылмыстық іс қозғалды

2020 жылдың 22 қаңтар 2020 11:35

НҰР-СҰЛТАН. ҚазАқпарат – ҚР Бас прокурорының орынбасары Марат Ахметжанов «Қазақмыс» корпорациясының кеңсесіндегі оқиғадан кейінгі тергеу шараларына байланысты түсінік берді, деп хабарлайды ҚазАқпарат тілшісі.

«Жезқазғанда «Қазақмыс» корпорациясының кеңсесіндегі оқиға бойынша қылмыстық іс қозғалды. Қасақана адам өлтіруге оқталу бабы бойынша тергеу амалдары жүргізіліп жатыр», - деп тоқталды Марат Ахметжанов Парламент Мәжілісінде тілшілер сауалына жауап бере отырып.

Осы орайда ол тегеу барысында оқиғаның барлық мән-жайы анықталғаннан кейін ғана жарияланатынын айтты.

«Жалпы, бұл іс бойынша деректер жан-жақты қаралады, яғни осы әрекеттің себебі тыңғылықты тексеріледі. Тергеу органдары бұған толық бағасын бергеннен кейін ғана біз толық мәліметті айта аламыз. Ол жерде процессуалдық прокурор тағайындалды», - деді Бас прокурордың орынбасары.

Бұдан бұрын хабарланғандай, Жезқазған қаласындағы «Қазақмыс» корпорациясының кеңсесінде кәсіподақ ұйымының төрағасы кәсіпорынның бас директорына және дамыту жөніндегі директорға өзара қақтығыстан соң пышақ салған.



Автор Руслан Ғаббасов
Басты сөздер: Прокуратура, Оқиға,
Жоғары қарай