Ауа райы
Астана -23 °С
Алматы -2 °С
валюта бағамы
USD 388.07
EUR 427.54
RUB 6.08
CNY 55.36

Мажарстанда көктем мерекесі - Наурыз тойланды

2019 жылдың 23 наурыз 2019 16:12

НҰР-СҰЛТАН. ҚазАқпарат - 22 наурыз күні Будапештте Қазақстанның Мажарстандағы Елшілігі мен «Барс» Қазақстан-Мажар қоры бірлесіп, Наурыз мерекесіне орай салтанатты іс-шара өткізді. Бұл туралы елшілікке сілтеме жасап ҚазАқпарат хабарлайды.

Аталған іс-шараға Мажарстандағы дипломатиялық корпус өкілдері, қоғамдық-саяси, мәдени және іскер топтардың өкілдері, қазақ диаспорасы мен студенттер, сондай-ақ мажар қыпшақтары қатысты.

Қазақстанның Мажарстандағы Елшісі Нұрбах Рүстемов «Наурыз» мейрамының тарихына тоқталып, біздің бай рухани мұрамыздың жарқын белгісі ретінде елімізде қалай аталып өтетінін қонақтарға айтып берді.

Қазақ мәдениетіне қызығатын мажар және қазақ жастары Ұлы Дала сазын орындап, қонақтар қошеметіне бөленді.

Жоғары қарай