Ауа райы
Астана -8 °С
Алматы -1 °С
валюта бағамы
USD 385.55
EUR 426.57
RUB 6.05
CNY 54.77

Мемлекет басшысы Словенияның бұрынғы президентімен өзекті халықаралық мәселелерді талқылады

2019 жылдың 11 қараша 2019 20:14

НҰР-СҰЛТАН. ҚазАқпарат - Мемлекет басшысы Қасым-Жомарт Тоқаев «Astana Club» халықаралық пікірталас алаңына қатысу үшін Нұр-Сұлтан қаласына келген Словенияның бұрынғы Президенті Данило Тюркпен кездесу өткізді. Бұл туралы Ақорданың баспасөз қызметінен мәлім етті, деп хабарлайды ҚазАқпарат.

Тараптар БҰҰ-ның даму жағдайын талқылап, халықаралық күн тәртібіндегі өзекті мәселелер жөнінде пікір алмасты. Барлық салалар бойынша, атап айтқанда, экономикалық бағыттағы көпжақты ынтымақтастықты нығайту қажеттігі сөз болды.

Словениялық саясаткер 2020 жылдың маусым айында Нұр-Сұлтан қаласында өтетін Дүниежүзілік сауда ұйымының Министрлер конференциясы табысты болатынына сенім білдіріп, Қазақстанның көпжақты байланыстарда, оның ішінде, сауда және бейбітшілік пен қауіпсіздікті қамтамасыз ету мәселелерінде белсенді рөл атқаратынын жеткізді.




Жоғары қарай