Ауа райы
Астана -2 °С
Алматы -4 °С
валюта бағамы
USD 384.97
EUR 427.12
RUB 6.04
CNY 54.75

Мүлкі жоқ адамдарға салық төлеу туралы қате ескертпе келген жағдайда кімге жүгіну керек

2019 жылдың 18 қараша 2019 15:18

НҰР-СҰЛТАН. ҚазАқпарат – Мүлкі жоқ адамдарға салық туралы қате ескертпе келген жағдайда кімге жүгінуге болады? Бұл сұраққа ҚР Қаржы министрлігі Мемлекеттік кірістер комитетіне қарасты Ссалық салу әдіснамасы департаменті директорының міндетін атқарушы Дәулет Жарылғасынов жауап берді, деп хабарлайды ҚазАқпарат тілшісі.

«Жұмыс бабында осыған ұқсас жағдайлардың кездесіп тұрады. Кей жағдайда уәкілетті органдардан түзетілуі тиіс қате мәліметтер түсіп жатады. Ондайға жолыққан адамдар өзі туралы мәліметтерді түзеу үшін «Азаматтарға арналған үкімет» мемлекеттік корпорациясына жүгінуге керек. Түзетілген мәліметтерді салық органдарына қайта ұсынсаңыз, салық инспекторы сізге тиесілі салықты қайта есептеп береді», – деді Дәулет Жарылғасынов.

Еске сала кетсек, бұған дейін Дәулет Жарылғасынов 2020 жылдан бастап жер мен мүлік салығын біріктірілетінін, көлік салығы әр жылдың сәуір айына дейін төлене бастайтынын хабарлаған болатын.

Жоғары қарай