Ауа райы
Астана -7 °С
Алматы -1 °С
валюта бағамы
USD 388.81
EUR 429.01
RUB 6.08
CNY 55.49

Оралбай Әбдікәрімов: Қандастардың құжат жұмысын уақтылы орындамағандарды жауапқа тарту керек

2019 жылдың 26 қыркүйек 2019 18:11

НҰР-СҰЛТАН. ҚазАқпарат – Мемлекет және қоғам қайраткері Оралбай Әбдікәрімов «Шетелдегі отандастарды мемлекеттік қолдау туралы» Қазақстан Республикасының заң жобасына қатысты өз ұсынысын білдірді, деп хабарлайды ҚазАқпарат тілшісі.

«Қандастарға қатысты құжат жұмыстарын уақтылы орындамаған мемлекеттік органның қызметкерлері тиісті жауапкершілікті көтеру керек. Яғни, нақты шара қабылдамасақ, бұл жағдай созыла береді. Үш, төрт, бес жыл бойы азаматтық ала алмай жүрген қандастардың барын білеміз. Міне, уақыт созбау үшін тиісті міндетін дұрыс атқармаған жауапты қызметкерлерді жұмыстан босатуға дейінгі шараны Әкімшілік құқықбұзушылық жөніндегі кодекске енгізу керек. Сонда ғана мәселені реттеуге болады деп ойлаймын. «Шетелдегі отандастарды мемлекеттік қолдау туралы» Қазақстан Республикасының заң жобасын әзірлегенде осы мәселеге назар аударылса деймін», - деді Оралбай Әбдікәрімов елордадағы «Отандастар қоры» коммерциялық емес акционерлік қоғамы жанындағы Қоғамдық комиссиясының отырысында.

Айта кетсек, бүгін «Отандастар қоры» коммерциялық емес акционерлік қоғамы жанындағы Қоғамдық комиссиясы «Шетелдегі отандастарды мемлекеттік қолдау туралы» Қазақстан Республикасы Заң жобасын талқылады. Жиын барысында «Отандастар қоры» шетелдегі қандастарға Қазақ картасын Қазақстанның басқа мемлекеттердегі елшіліктері арқылы беруді ұсынды.

Автор Аян Бекенұлы
Басты сөздер: Қандастар, Қоғам, Заң,
Жоғары қарай