Ауа райы
Астана 15 °С
Алматы 20 °С
валюта бағамы
USD 386.70
EUR 427.15
RUB 6.06
CNY 54.57

Оралда 17 жастағы жасөспірім көлікті айдап кетіп, өртеп жіберген

2019 жылдың 23 тамыз 2019 12:40

ОРАЛ. ҚазАқпарат – Оралда 17 жасар жасөспірім көлікті айдап кетіп, өртеп жіберген, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, оқиға 21 тамызға қараған түнде болған.

2002 жылғы жасөспірім Орал қаласының 27 жасар тұрғынына тиесілі «ВАЗ-2109» маркалы автокөлігін айдап кеткен.

Жәбірленуші автокөлігін ауладағы тұраққа қойып, ішіне 150 мың теңгесін қалдырып кеткен.

Ұры қылмыстың ізін жасыру үшін көлікті бөлшектеп, өртеп жіберген. Көлік Хан тоғайы ауданынан өртенген күйінде табылды.

Ұсталған күдіктіден айғақ заттар (кілттер жиынтығы, медициналық көмек кітабы, доңғалақтар) тәркіленді.

Абай полиция бөлімі ҚР ҚК 200-бабы 1-бөлігіне сәйкес (көлік айдап кету) сотқа дейінгі тергеу амалдарын жүргізуде. Күдіктінің басқа да қылмыстарға қатыстылығы тексерілуде.

Еске сала кетейік, бұдан бұрын жасөспірімдердің пәтерге түсіп, азық-түлік ұрлағанын жазған болатынбыз.

Жоғары қарай