Ауа райы
Астана -6 °С
Алматы -4 °С
валюта бағамы
USD 376.42
EUR 417.41
RUB 6.09
CNY 54.54

Оралда тұрғын үйде өрт болып, 10 адам эвакуацияланды

2019 жылдың 8 желтоқсан 2019 20:21

ОРАЛ. ҚазАқпарат - Оралда тұрғын үйде өрт болып, 10 адам эвакуацияланды, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, оқиға бүгін түнгі сағат 01.00-де Ш.Жексенбаев атындағы көше 67-үйде болды.

Үш қабатты үйде 3-пәтерде жеке заттар мен жиһаз жанған.

Газдан уланудың алдын алу мақсатында үйден 10 адам шығарылса, соның екеуі - балалар. Оған қоса екі адам құтқарылды.

«Тілсіз жау» 01.14-те оқшауланып, 01.39-да ауыздықталды.

Қазіргі кезде өрттің шығу себебі, кінәлілер, келтірілген шығын анықталуда.

Сондай-ақ бүгін Бәйтерек ауданы Белес ауылынан 18 шақырым жерде дала жолында тұралап қалған «Тойота Ланд Крузер» автокөлігіне көмек көрсетілді. Сағат 11.04-те аталған көлік жолдың тазартылған бөлігіне шығарылды. Оның ішінде болған төрт адам медициналық көмекті қажетсінген жоқ. Бұл көлікті іздестіру жұмыстары кеше сағат 23.30-дан бері жүргізілген.

Жоғары қарай