Ауа райы
Астана 21 °С
Алматы 22 °С
валюта бағамы
USD 412.10
EUR 454.34
RUB 5.82
CNY 57.62

Өскемендік волонтерлер блокпосттағы қызметкерлерге шай мен бауырсақ таратты

2020 жылдың 8 сәуір 2020 11:56

ӨСКЕМЕН. ҚазАқпарат - Өскемендік волонтерлер блок бекеттерде тұрған адамдарға ыстық шай мен бауырсақ ұсынды, деп хабарлайды ҚазАқпарат ШҚО Ақпарат орталығына сілтеме жасап.

Елімізде жарияланған төтенше жағдайға байланысты 2 сәуірден бастап Өскемен мен Семей қалаларына кіру-шығу жолдары жабылып, блокпосттар қойылды. Құқық қорғау органдары мен медицина саласының мамандарына, сондай-ақ әскери қызметкерлердің мойынына үлкен жауапкершілік жүктелді.

Оларға қолдау көрсету мақсатында шығысқазақстандық жастар «Жылу сыйла» акциясын ұйымдастырды. Сөйтіп, 15 волонтер блок бекеттерде күні-түні істейтін әскерилер мен құқық қорғау органдарының қызметкерлеріне, сондай-ақ медицина саласының қызметкерлеріне ыстық шай мен бауырсақ ұсынды.

«Біз біргеміз! Мұндай қиын кезеңде бір-бірімізге қолдау көрсетуіміз керек. Сондықтан да «Жылу сыйла« акциясын қолға алдық. Енді мұны Нұр-Сұлтан мен Алматы қалаларында еңбек етіп жүрген әріптестерімізге жолдаймыз», - деді ерікті жастар.




Бұдан бөлек, шығысқазақстандық волонтерлар блок бекеттерге аялдаған жүргізушілерге коронавирус инфекциясынан сақтанудың жолдары көрсетілген жадынама таратты.





Жоғары қарай