Ауа райы
Астана 3 °С
Алматы 0 °С
валюта бағамы
USD 435.54
EUR 473.08
RUB 5.76
CNY 61.64

Полицейлерден үнемі халыққа жанашыр болуды талап етемін - генерал-майор Қайрат Дәлбеков

2020 жылдың 23 ақпан 2020 16:35

ТҮРКІСТАН.ҚазАқпарат – Түркістан облысы Полиция департаментінің бастығы полиция генерал-майоры Қайрат Дәлбеков қоғамдық қабылдау өткізіп, тұрғындармен кездесті.

«Нұр Отан» партиясының қоғамдық қабылдау бөлмесінде өткен кездесу халықпен кері байланысты қамтамасыз ету үшін ұйымдастырылды, деп хабарлайды ҚазАқпарат тілшісі.

Қабылдауға Полиция департаментіне қарасты тергеу, кадр, әкімшілік полиция басқармалары және тағы басқа тиісті басшылар, облыс тұрғындары мен БАҚ-ы өкілдері қатысты.

Халықпен тікелей, ашық қарым-қатынас орнату мақсатында ұйымдастырылған кездесуде тәртіп сақшылары тұрғындардың жеке мәселелерін тыңдап, өтініш-тілектерінің шешілу жолдары қарастырылды.

Генерал-майор Қайрат Дәлбековтың қабылдауына алдын ала жазылған азаматтардан бөлек, өзге де тұрғындар келді. Олар өздерінің көкейтесті мәселелерін, аяқсыз қалған арыздарын жеткізді. Қабылдауға келген 50-ден астам тұрғынның әрбірінің мәселесін мұқият қараған облыстың бас полицейі айтылған уәждердің оң шешілуіне ықпал ететінін атап өтті. Сондай-ақ, өтініш-тілектердің тез арада орындалатынын жеткізіп, кейбір күрделі мәселелер бойынша жауапты полицейлерге сол сәтте мәселенің оң шешілуі үшін тапсырмалар берді.








Жалпы, қабылдауға келген тұрғындардың басым көпшілігі мал ұрлығы аясында арыздар бергенін айтты. Қылмыстық істер және жұмысқа орналасу, ауысу, тергеу саласы бойынша да сөз қозғалды. Ал, Қайрат Дәлбеков осы мәселелерге байланысты облысқа қарасты барлық қала-аудандарда келелі кездесу өткізетінін тілге тиек етті.

«Полицейлерден үнемі халықпен тығыз байланыс орнатуды, халыққа жанашыр, қолдаушы болуды талап етемін. Жұртшылықтың мәселелерін шешуге баса назар аудара отырып, халықпен тікелей диалог құру және нығайту мақсатындағы жұмыстар жалғаса береді»,- деді Қайрат Дәлбеков.








Жоғары қарай