Ауа райы
Астана -7 °С
Алматы -4 °С
валюта бағамы
USD 376.84
EUR 407.97
RUB 5.91
CNY 53.80

Президент тапсырмасы: Бұқтырмаға көпір салу жұмысы қалай жүргізіліп жатыр

2020 жылдың 5 қаңтар 2020 21:24

НҰР-СҰЛТАН. ҚазАқпарат – Шығыс Қазақстан облысының әкімі Даниал Ахметов Бұқтырма арқылы көпір салу бойынша Президенттің тапсырмасы қалай жүзеге асырылғалы отырғанын жеткізді, деп хабарлайды ҚазАқпарат тілшісі.

«Бұқтырма су қоймасы арқылы өтетін көпір құрылысы бойынша биыл сәуір айының соңына дейін республикалық бюджеттен қаржыландыру нақтыланатынын хабарлаймын. 2017 жылдың 7 желтоқсанында 01-0613/17 нөмірлі мемлекеттік сараптама нәтижесі алынған жобалық-сметалық құжаттамаға сай жобаның құны - 32 млрд теңге. Сондай-ақ, жергілікті бюджеттен мердігер мекемені анықтау мақсатында байқау шараларын өткізуге тиісті қаржы қарастырылып отыр», - деп жазды әкім Facebook-тегі парақшасында.

Даниал Ахметовтің мәлімдеуінше, қазіргі таңда паром сағат 07.00-ден 21.00-ге дейін кестеге сай қызмет етуде. Мұздың қалыңдығы 5-7 сантиметр, автокөлік қозғалысын шектеу үшін күзет қойылған.⠀

«Өңір тұрғындарын өзінің және өзгенің өміріне жоғары жауапкершілікпен қарауға шақырамын!» - деп жазды әкім.

Еске сала кетсек, былтыр Мемлекет басшысы Үкіметке Шығыс Қазақстан облысының әкімдігімен бірге Бұқтырма су қоймасы арқылы көпір салу үшін қаржы бөлу мәселесін қарастыруды тапсырған болатын.


Жоғары қарай