Ауа райы
Астана -4 °С
Алматы 0 °С
валюта бағамы
USD 389.75
EUR 434.26
RUB 6.12
CNY 55.05

Рудныйда бұзақылар 5 млн теңгенің алтынын ұрлап кеткен

2019 жылдың 6 қыркүйек 2019 21:26

ҚОСТАНАЙ. ҚазАқпарат – Рудный қаласы полиция басқармасының қызметкерлері құны 5 000 000 теңге болатын алтын бұйымдарын ұрлауға қатысы бар күдіктіні ұстады, деп хабарлайды ҚазАқпарат Қостанай облысы полиция департаментінің баспасөз қызметіне сілтеме жасап.

Оқиға Рудный қаласы Корчагин көшесіндегі «ГУМ» сауда орталығының бутиктерінің бірінде болған. Белгісіз азамат жертөледегі еденді бұзып, зергерлік дүкенге кіріп, ұрлық жасаған.

«Жедел тергеу іс-шаралары барысында полиция қызметкерлері 24 жастағы ер адамды ұстады. Күдікті кінәсін толық мойындады. Бұл азамат тонаушының ұрлап әкелген заттарын сатуға көмектескен», - дейді Рудный қаласы криминалдық полиция бөлімінің бастығы Максим Греков.

Қазіргі уақытта екінші күдіктінің кім екені анықталды. Оны ұстау шаралары қабылдануда. Осы дерек бойынша ҚР ҚК 188-бабы 3-бөлігімен сотқа дейінгі тергеу жүріп жатыр. Ұрланған зат Қостанай қаласының ломбардтарынан жартылай тәркіленді.

Жоғары қарай