Ауа райы
Астана -2 °С
Алматы 20 °С
валюта бағамы
USD 389.98
EUR 434.01
RUB 6.10
CNY 55.04

Сауль Альварестің бапкерлерінен тәлім алған: Данияр Елеусіновтің келесі қарсыласы кім

2019 жылдың 12 шілде 2019 07:44

НҰР-СҰЛТАН. ҚазАқпарат - Қазақстандық боксшы Данияр Елеусінов (7-0, 3 КО) рингке 27 шілдеде оралады. Ол Арлингтондегі (АҚШ, Техас штаты) College Park Center аренасында жұдырықтасады, деп хабарлайды ҚазАқпарат Sports.kz сайтына сілтеме жасап.

Аталмыш сайттың Boxrec.com мәліметтеріне сүйене отырып таратқан ақпараттарына қарағанда, Данияр Елеусіновтің қарсыласы «Тышқан» деген лақап атпен белгілі 26 жастағы Оскар Кортес (27-4, 14 КО). Ол өзінің рекордынан бөлек Сауль Альварестің жеке промоутерлік компаниясы Canelo Promotions-тің клиенті болғанын және танымал боксшының бапкерлері Хосе мен Эдди Рейносоның қол астында жатыққанын мақтан ете алады.

Данияр Елеусіновтің қатысуымен болатын бокс кешінің хедлайнерлері бірінші жартылай салмақтағы Хосе Карлос Рамирес (24-0, 16 КО) пен Морис Хукер (26-0-3, 17 КО). Олар WBC мен WBO тұжырымдары бойынша чемпион атағын сарапқа салады.

Перевод Айдар Оспаналиев
Басты сөздер: Бокс, Қоғам, Спорт,
Жоғары қарай