Ауа райы
Астана 15 °С
Алматы 15 °С
валюта бағамы
USD 411.54
EUR 458.13
RUB 5.84
CNY 57.64

ШҚО-да төтенше жағдай режімін бұзған кәсіпкерлер қамауға алынды

2020 жылдың 26 наурыз 2020 05:18

ӨСКЕМЕН. ҚазАқпарат – Шығыс Қазақстан облысында 10 кәсіпкер төтенше жағдай режімін бұзған, деп хабарлайды ҚазАқпарат.

«Өскемен қаласындағы караоке клубының иесі төтенше жағдай кезіндегі шектеуге қарамастан 22.00-ден кейін жұмысын жалғастыра берген. ҚР Әкімшілік құқық бұзушылық туралы кодексінің 476-бабын бұзған кәсіпкер 15 тәулікке қамауға алынды», - деп хабарлады ШҚО Полиция департаментінің баспасөз қызметі.

Сонымен қатар Глубокое ауданындағы интернет клубы да заңмен бекітілген уақытта жабылмаған. 23 жастағы кәсіпкер әкімшілік жауапкершілікке тартылып, 3 күнге қамалды.

«Бүгінде жалпы облыс бойынша төтенше жағдай режімін бұзған 10 кәсіпкер анықталған. Тәртіп сақшылары алдағы уақытта да тексеру жұмыстарын жалғастырады. Осы ретте, қандай да бір заңбұзушылықты байқаған тұрғындардан полицияға хабар берулерін сұраймыз», - делінген ведомство мәліметінде.

Жоғары қарай