Ауа райы
Астана -3 °С
Алматы 15 °С
валюта бағамы
USD 389.98
EUR 434.01
RUB 6.10
CNY 55.04

Солтүстік Қазақстанда жылыту маусымы басталды

2019 жылдың 18 қыркүйек 2019 22:10

ПЕТРОПАВЛ. ҚазАқпарат - Солтүстік Қазақстан облысында биыл жылыту маусымы жылдағыдан ерте басталды, деп хабарлайды ҚазАқпарат тілшісі.

СҚО Энергетика және тұрғын үй-коммуналдық шаруашылық басқармасының жетекшісі Әділбек Әубәкіровтің мәліметінше, 18 қыркүйектен бастап әкімдіктің қаулысына сәйкес облыстағы әлеуметтік нысандарға жылу беріле бастады.

«19 қыркүйектен бастап жылыту жүйесіне тұрғын үйлер қосыла бастайды. 10 күнге бекітілген бағдарлама бар және тұтынушылардың өтінішіне қарай жылу беріледі», - деді Әділбек Әубәкіров.

Қолайсыз ауа-райына байланысты соңғы үш жылда облыста жылыту маусымы 23 қыркүйек басталды. Биыл синоптиктердің болжамына сай бұл жұмыс бір апта бұрын басталуы тиіс еді. Алайда, күннің жылынуына байланысты бірер күнге кейінге шегерілді.


Жоғары қарай