Ауа райы
Астана 4 °С
Алматы 2 °С
валюта бағамы
USD 435.54
EUR 473.08
RUB 5.76
CNY 61.64

Станислав Зась ҰҚШҰ бас хатшысы қызметіне кірісті

2020 жылдың 3 қаңтар 2020 19:25

НҰР-СҰЛТАН. ҚазАқпарат - 1 қаңтардан бастап Станислав Зась Ұжымдық қауіпсіздік шарты ұйымының бас хатшысы лауазымын атқарады. Бұл туралы ҚазАқпарат БЕЛТА-ға сілтеме жасап хабарлайды.

ҰҚШҰ Бас хатшысы етіп Беларусь өкілін тағайындау бір жылға жуық уақытқа созылды және бұқаралық ақпарат құралдарында түрлі қауесет қатар жүрді.

БЕЛТА хабарлағандай, Станислав Засьтің ҰҚШҰ Бас хатшысы болып тағайындалуы - маңызды мәселе, бірақ ұйымды құрайтын алты мемлекеттің ауқымындай емес.

«Біз нақты түсінуіміз керек: ҰҚШҰ Хатшылығының басында кім болмасын, ұйым оған мүше елдер басшыларының жарғысы мен бірлескен шешімдеріне сәйкес әрекет етеді. Мұндай алгоритм біржақты артықшылықтарды, оның ішінде ауыстырылатын қызмет деңгейінен бастап болдырмайды», - дейді ол.

2018 жылдан бастап Армения өкілі Юрий Хачатуров ҰҚШҰ Бас хатшысы қызметін атқарды және жарғыда қарастырылған үш жыл ішінде бір жарым жыл ғана қызмет етіп, Армения мерзімінен бұрын шақырып алды. Юрий Хачатуров отанында конституциялық құрылысты құлатуға әрекет жасады деген айыппен қамауға алынып, оның орнына ресейлік әскери қызметкер Валерий Семериков жұмыс істеді.

ҰҚШҰ жарғысына сәйкес «бейбітшілікті, халықаралық және аймақтық қауіпсіздік пен тұрақтылықты нығайту, мүше мемлекеттердің тәуелсіздігін, аумақтық тұтастығы мен егемендігін ұжымдық қорғауға» басымдық беретін аймақтық халықаралық ұйым. ҰҚШҰ құрамына Армения, Беларусь, Қазақстан, Қырғызстан, Ресей және Тәжікстан кіреді.

Жоғары қарай