Ауа райы
Астана 4 °С
Алматы 2 °С
валюта бағамы
USD 435.54
EUR 473.08
RUB 5.76
CNY 61.64

Суданда әскери ұшақ апатқа ұшырап, 18 адам қаза тапты

2020 жылдың 3 қаңтар 2020 11:56

ДАРФУР. ТАСС-ҚазАқпарат – Бейсенбі күні Батыс Дарфурда Ан-12 әскери ұшағы апатқа ұшырап, 18 адам қаза тапты, деп хабарлайды ТАСС TAJ News ақпараттық порталына сілтеме жасап.

Бұл туралы әскери күштер өкілі, бригада генералы Амер Мухаммед әл-Хасан хабарлады. Оның айтуынша, «Бортта 18 адам болған: жеті әскери экипаж мүшесі, оның төртеуі офицер, сонымен қатар сегіз азамат, оның төртеуі - бала және үш сот өкілі болған». Барлығы мерт болды.

Хартумға бағыт алған ұшақ Батыс Дарфур ауданының әкімшілік орталығындағы Эль-Генейна әуежайынан ұшқаннан соң бес минуттан кейін ұшыру жолағынан бірнеше километр жерде апатқа ұшырады. Ұшақ Дарфурға дәрі-дәрмек пен азық-түлік әкеліп, Судан астанасына қайтпақшы болған. Осы ұшақпен Әділет министрі мен елдің Бас прокуроры ұшуы керек болатын, бірақ олар жұмыс барысына байланысты ұшудан бас тартқан.

Апат себептері анықталып жатыр.


Басты сөздер: Оқиға, Әлем,
Жоғары қарай