Ауа райы
Астана -7 °С
Алматы -1 °С
валюта бағамы
USD 388.81
EUR 429.01
RUB 6.08
CNY 55.49

Таразда баланың көзінше ит атты деген қызметкердің басы дауға қалды

2019 жылдың 14 қазан 2019 23:25

ТАРАЗ. ҚазАқпарат – Таразда баланың көзінше ит атқан қаңғыбас жануарларды аулағыш бригада қызметкерлерінің басы дауға қалды, деп хабарлайды ҚазАқпарат тілшісі.

Оқиға қаладағы үйлердің біріндегі бейнебақылау камерасына түсіп қалған. Бейнетүсірілімнен қолына қару ұстаған ер адамның ит пен кішкентай қызды айналшықтап, кейін жануарды сүйреп алып бара жатқанын анық көруге болады. Оның бұл әрекеті желіде қызу талқыланды.

Қалалық ветеринария бөлімінің мәліметінше, мамандар онда тұрғындардың шақыртуымен арнайы барған. Ал итті басқа жерде атқан көрінеді. Айтуларынша, қалада адамдарды ит тістеу дерегі көбейген. Жыл басынан бері 1200 оқиға тіркеліп, 9 мыңнан астам қаңғыбас ит атылыпты.

«Көшеде жүретін жануарды аулағышты шақырып, түсініктеме алдық. Қала бойынша қазіргі таңда үш бригада жұмыс істеуде. Тараз қаласы бойынша мұндай жағдайлар тағы да қайталанбас үшін әрқайсысымен түсініктеме жұмыстары жүргізіледі. Жұрт талқысына түскен оқиғадағы қызметкер құзырлы органдармен кінәлі деп танылса, жұмыстан қуылады»,-дейді қалалық ветеринария бөлімінің басшысы Әнуарбек Қалтаев.

Автор Ғибрат Сембай
Басты сөздер: Жамбыл облысы, Оқиға,
Жоғары қарай