Ауа райы
Астана 4 °С
Алматы 2 °С
валюта бағамы
USD 435.54
EUR 473.08
RUB 5.76
CNY 61.64

Теннис: Кукушкин Доха турнирінің ширек финалына шыға алмады

2020 жылдың 8 қаңтар 2020 20:19

НҰР-СҰЛТАН. ҚазАқпарат – Қазақстандық теннисші Михаил Кукушкин Доха (Катар) ATP турнирінің ширек финалына шыға алмады, деп хабарлайды ҚазАқпарат тілшісі.

Рейтингте 66-орында тұрған М.Кукушкин екінші айналымда әлемнің 23-інші, осы жарыстың 2-ракеткасы, ресейлік Андрей Рублевпен кездесті.

Бірінші партияда ресейлік теннисші 6:4 есебімен басымдылық танытты. Екінші сетте де есесін жібермеді – 6:2.

Бәсеке 1 сағат 10 минутқа созылды.

А.Рублев Доха турнирінің (жүлде қоры 1,5 млн АҚШ долларына жуық) жартылай финалына шығу үшін сербиялық Ласло Дьере немесе франциялық Пьер-Юг Эрбердің біреуімен таласады.

Осылайша Дохада Қазақстаннан ешкім қалмады. Бұдан бұрын Александр Бублик те ширек финалға шыға алмаған болатын.

Еске сала кетейік, Елена Рыбакина мен Зарина Дияс Шэньчжэньде ширек финалға шықты. Ал Юлия Путинцева Брисбенде жеңіліп қалды.






Автор Елжан Ералы
Басты сөздер: Спорт,
Жоғары қарай