Ауа райы
Астана -3 °С
Алматы -3 °С
валюта бағамы
USD 384.97
EUR 427.12
RUB 6.04
CNY 54.75

Теннис: Кукушкин Вена турнирін жеңіспен бастады

2019 жылдың 23 қазан 2019 19:24

ОРАЛ. ҚазАқпарат – Қазақстандық Михаил Кукушкин Вена ATP турнирін жеңіспен бастады, деп хабарлайды ҚазАқпарат тілшісі.

Дүниежүзілік рейтингте 57-орында тұрған М.Кукушкин алғашқы айналымда осы жарыстың сегізінші, әлемнің 24-ракеткасы, хорватиялық Борна Чоричпен күш сынасты.

Бірінші партияда брейк жасай алған М.Кукушкин сол басымдылығын сақтап қалды – 6:4.

Қазақстандық спортшы екінші сетті де брейкпен бастады – 2:0. Ақыры ол матчты жеңіспен тәмамдай білді – 6:4.

Бәсеке 1 сағат 23 минутқа созылды.

М.Кукушкин ширек финалға шығу үшін әлемнің 34-ракеткасы, испаниялық Пабло Карреньо-Бустамен таласады.

Жүлде қоры 2 433 810 АҚШ долларына бағаланған Вена турнирі 27 қазан күні мәреге жетеді.

Еске сала кетейік, бұдан бұрын Елена Рыбакинаның үздік қырық теннисшінің қатарына енгенін жазған болатынбыз.

Автор Елжан Ералы
Басты сөздер: Спорт,
Жоғары қарай