Ауа райы
Астана 17 °С
Алматы 27 °С
валюта бағамы
USD 386.70
EUR 427.15
RUB 6.06
CNY 54.57

ТМД ПА бақылаушылары Молдовадағы парламент сайлауының мониторингін бастады

2019 жылдың 23 ақпан 2019 19:00

КИШИНЕВ. ҚазАқпарат - Кишиневте ТМД Парламентаралық ассамблеясының бақылаушылары Молдова Республикасы Парламенті сайлауында жұмысын бастады. Сайлау 24 ақпанда өтеді, деп хабарлайды ҚазАқпарат тілшісі ҚР Парламент Сенатының баспасөз қызметіне сілтеме жасап.

Топтың үйлестірушісі, Қазақстан Республикасы Парламенті Сенаты төрағасының орынбасары Бектас Бекназаров және ТМД ПА Кеңес Хатшылығы басшысы - Бас хатшының уақытша міндетін атқарушы Дмитрий Кобицкий ұйымдастырушылық отырысын өткізді. Отырыс барысында қысқа мерімді мониторинг кезеңіндегі топтың міндеттері айқындалып, халықаралық бақылаушылар назарға алуы тиіс негізгі қағидаттар аталды.

Халықаралық демократияны, парламентаризмді дамыту мен ТМД ПА мүше-мемлекеттері азаматтарының құқығын қорғау мониторингі институты сарапшылар тобының басшысы Дмитрий Барышников қатысушыларға қысқа мерзімді мониторингтің қорытындысы туралы айтып берді.

ТМД ПА МАҚҚМИ директоры Дмитрий Гладей топ мүшелерін жуық арадағы жұмыс жоспарымен таныстырды. Сонымен бірге, ол дауыс беру күні бақылаушылар шығатын бағдарларды атады.

Жоғары қарай