Ауа райы
Астана -6 °С
Алматы 3 °С
валюта бағамы
USD 378.60
EUR 417.75
RUB 6.13
CNY 54.58

ТМД жастары елдер экономикасын дамыту бойынша 100 идеясын ұсынады

2019 жылдың 4 қараша 2019 05:18

ДУШАНБЕ. ХОВАР-ҚазАқпарат – Бакуде 14-15 қараша күндері ТМД-ға мүше мемлекеттер Жастар істері жөніндегі кеңесінің отырысы өтеді, деп хабарлайды ҚазАқпарат «Ховар» Тәжікстан ұлттық ақпарат агенттігіне сілтеме жасап.

ТМД Атқару комитетінің мәліметіне сәйкес, осы күндері, сондай-ақ «ТМД үшін 100 идея» Халықаралық жастар жобасының ақтық кезеңі өтеді. Жобаны бастау ұсынысы 2013 жылы ТМД-ға мүше мемлекеттер Жастар істері жөніндегі кеңестің отырысында жасалды. Мақсаты – достастық елдерінің жастарын ғылыми-инновациялық және әлеуметік-экономикалық салалардағы міндеттерді шешуге жұмылдыру. 2014 жылдан бастап іске асырыла бастаған жоба екі жылда бір өткізіледі және екі кезеңнен тұрады: ұлттық (іріктеу) және халықаралық (финал). Оған өздерінің авторлық жобаларын ұсынған ТМД елдерінің 14-35 жас аралығындағы жас азаматтары қатыса алады.

Бұдан бөлек, қараша айында ТМД ұйымы шеңберінде бірқатар іс-шара өтеді. Атап айтқанда, 5-6 қарашада Кишиневте (Молдова) – ТМД-ға мүше елдердің Өсімдіктер карантины бойынша үйлестіру кеңесінің отырысы, 7 қарашада Ташкентте (Өзбекстан) – ТМД-ға мүше елдердің Қауіпсіздік және арнайы қызметтер басшылары кеңесінің отырысы, 8-9 қарашада Душанбеде (Тәжікстан) – ТМД-ның Денсаулық сақтау саласындағы ынтымақтастық жөніндегі кеңесінің отырысы, 13 қарашада Шымкентте (Қазақстан) – Стандарттау, метрология және сертификаттау жөніндегі халықаралық кеңесінің отырысы, 14-15 қарашада Бакуде (Әзербайжан)– ТМД-ға мүше елдер Жастар істері жөніндегі кеңесінің отырысы, 14-15 қарашада Бакуде «ТМД үшін 100 идея» Халықаралық жастар жобасының ақтық кезеңі өтеді.

Автор Мира Төлендіқызы
Басты сөздер: Әлем, ТМД,
Жоғары қарай