Ауа райы
Астана -5 °С
Алматы -2 °С
валюта бағамы
USD 376.84
EUR 407.97
RUB 5.91
CNY 53.80

Тұман, көктайғақ, қар: Жексенбіге арналған ауа райы болжамы

2020 жылдың 19 қаңтар 2020 00:41

НҰР-СҰЛТАН. ҚазАқпарат - Синоптиктер 19 қаңтарға арналған ауа райы болжамын ұсынады, деп хабарлайды ҚазАқпарат «Қазгидромет» РМК баспасөз қызметіне сілтеме жасап.

Солтүстік және оңтүстік циклондармен байланысты атмосфералық фронттар Қазақстанның барлық аумағына дерлік әсер етеді. Осыған байланысты қар жауады, оңтүстік-батыста және оңтүстікте - жауын-шашын күтіледі.

Оңтүстік-шығыста жауын-шашынсыз ауа райы сақталады. Республикамыздың кей жерлерінде тұман түсіп, көктайғақ болады, жел күшейеді. Солтүстік және шығыста боран соғады.

Ақмола, Солтүстік Қазақстан, Шығыс Қазақстан облыстарының кей жерлерінде тұман түсіп, бұрқасын көтеріледі, жел 15-20 м/с дейін күшейеді.

Павлодар облысының кей жерлерінде бұрқасын, көктайғақ күтіледі, жел 15-20 м/с жетеді.

Алматы облысының Жалаңашкөл ауданында жел екпіні - 15-20 м/с.

Қызылорда, Маңғыстау, Атырау, Қостанай, Қарағанды облыстарының кей жерлерінде тұман түсіп, көктайғақ болады.

Жамбыл, Түркістан, Батыс Қазақстан, Ақтөбе облыстарының кей жерлеріне тұман түседі.


Басты сөздер: Ауа райы, Қазгидромет,
Жоғары қарай