Ауа райы
Астана -1 °С
Алматы 1 °С
валюта бағамы
USD 389.75
EUR 434.26
RUB 6.12
CNY 55.05

Түркістанда қоғамдық көліктер саны артады

2019 жылдың 4 қыркүйек 2019 19:21

ТҮРКІСТАН. ҚазАқпарат - Түркістан қаласының тұрғындары үшін қоғамдық көліктер мәселесі әрдайым жіті назарда. Облыс орталығындағы автобустардың сапасын арттыру жұмыстары жанданып келеді, деп хабарлайды Түркістан облысы әкімдігінің баспасөз қызметі.

Жыл басында қаладағы қоғамдық көліктердің қатары 16 автобуспен толыққан болатын, енді олардың қатарына жуырда «Yutong» маркалы 5 автобус қосылды.





Автобустардың барлығы бірыңғай жасыл түспен боялған. Онда Түркістан қаласының логотипі белгіленген. Ұзындығы 8,5 метр. Сыйымдылығы 28 орындық, қосымша 30 адамды мінгізуге қауқарлы. Автобус ішінде жарнамалық экран мен желдеткіш қойылған. Қоғамдық көлікте пайдаланушыларға ыңғайлы болу үшін әрбір аялдама арнайы жүйе арқылы хабарланып отыратын болады. Тіпті, алдағы жылдарда жол ақысын төлеуді цифрландыру ісі жүзеге аспақ. Ал, мүмкіндігі шектеулі жандарға жағдай жасау үшін артқы есігіне пандус қоюды да қарастыруда. Жаңа автобустар жуырда қала ішіндегі №5, №7, №30, №31 бағыттарында жолаушыларды тасымалдайтын болады.





Айта кетейік, жыл соңына дейін Қазақстанда жасалған «Сарыарқа АвтоПром» автозауыт базасынан тағы да су жаңа 36 автобус пайдалануға берілмек. Олар шаһарға кіретін 5 бағытты қамтитын болады.





Басты сөздер: Көлік, Түркістан облысы,
Жоғары қарай