Ауа райы
Астана 11 °С
Алматы 17 °С
валюта бағамы
USD 389.52
EUR 429.21
RUB 6.07
CNY 54.94

Түркістанда қонақ үй өртенді

2019 жылдың 14 қыркүйек 2019 12:21

ТҮРКІСТАН. ҚазАқпарат – Түркістан қаласында орналасқан «Яассы» кешенінің 2-қабатынан өрт шықты, деп хабарлайды ҚазАқпарат Түркістан облысы әкімінің баспасөз қызметіне сілтеме жасап.

Оқиғадан зардап шеккендер жоқ. Алғашқы мәліметтер бойынша жарақат алған азаматтар жоқ. Алғашқы хабарлама сағат 11.01-де түскен. 11.34 өрттің беті қайтарылды. Өрт сөндірушілер мен полиция қызметкелерінің көмегімен қонақ үйден 20 адам қауіпсіз жерге көшірілді. 10 адам өздігінен шыққан.

Оқиға орнында 5 техника мен 29 өрт сөндіруші жұмыс істеп жатыр. Қонақ үйдің жалпы көлемі 2700 м2, жалын 150 шаршы метр аумақты шарпыған. Өрт 11.52-де толығымен сөндірілді. Тілсіз жаудың шығу себептері анықталуда.





Жоғары қарай