Ауа райы
Астана 9 °С
Алматы 15 °С
валюта бағамы
USD 389.52
EUR 429.21
RUB 6.07
CNY 54.94

Тұрсынбай Құлахмет бокстан әлем чемпионатынының жартылай финалына өтті

2019 жылдың 18 қыркүйек 2019 17:26

НҰР-СҰЛТАН. ҚазАқпарат – Екатеринбургте бокстан өтіп жатқан әлем чемпионатында қазақстандық Тұрсынбай Құлахмет те жартылай финалға шықты, деп хабарлайды ҚазАқпарат тілшісі.

Т.Құлахмет ширек финалда 75 келіге дейінгі салмақта армениялық Арман Дарчинянмен кездесті.

Тұрсынбай алға ұмтылған қарсыласын тосып алып, жұдырығын жиірек жұмсап, аяқпен де жылдам қимылдай білді.

Төрешілер бірауыздан 5:0 есебімен жеңісті Т.Құлахметке берді.

Тұрсынбай Құлахмет бұған дейін чехиялық Милош Бартлды және америкалық Хавьер Мартинесті жеңген болатын.

Бұл салмақтағы 2017 жылғы әлем біріншілігінің күміс жүлдегері Әбілхан Аманқұл жарақаттанып қалғандықтан, биылғы Азия чемпионатына Т.Құлахмет барып, чемпион атанған.

Еске сала кетейік, бұдан бұрын қазақстандықтардың ширек финалда кімдермен кездесетінін, Сәкен Бибосыновтың бірінші болып жартылай финалға өткенін жазған болатынбыз. Ол да армениялық спортшымен жұдырықтасқан еді.


Автор Елжан Ералы
Басты сөздер: Спорт, Әлем, Ресей, Бокс,
Жоғары қарай