Ауа райы
Астана 1 °С
Алматы 0 °С
валюта бағамы
USD 388.81
EUR 429.01
RUB 6.08
CNY 55.49

ҰҚК қызметкерлері Алматы мен Павлодарда арнайы операция барысында қылмыстық топ мүшелерін ұстады

2019 жылдың 7 тамыз 2019 15:48

НҰР-СҰЛТАН. ҚазАқпарат – Ұлттық қауіпсіздік комитетінің қызметкерлері қару сатқан қылмыстық топтың мүшелерін ұстады. Олардың қатарында шет ел азаматтары болған, деп хабарлайды ҚазАқпарат комитеттің баспасөз қызметіне сілтеме жасап.

ҚР ҰҚК Жамбыл облысы бойынша департаменті атыс қаруы мен оқ-дәріні заңсыз сатумен айналысқан шетел азаматтарынан тұратын топтың заңға қайшы іс-әрекетінің жолын кескен.

«Биыл 25 шілдеде ҚР ҰҚК 4-қызметінің 5-департаменті және ҚР ҰҚК Павлодар облысы бойынша департаментімен бірлесіп арнайы операция өткізіп, оның барысында Алматы және Павлодар қалаларында «М» және «П» ісі бойынша өтетін тұлғалар ұсталды.

Заңсыз айналымнан 7 «Калашников» автоматы және 2 «Макаров» тапаншасы, сондай-ақ түрлі калибрлі оқ-дәрілер алынды», делінген хабарламада.

Қазір, ұсталғандар Тараз қаласына жеткізілді, сотқа дейінгі тергеу жүргізілуде.

Жоғары қарай