Ауа райы
Астана -11 °С
Алматы 3 °С
валюта бағамы
USD 375.87
EUR 406.24
RUB 5.84
CNY 53.45

Украиналық футболшы Ризван Аблитаров «Қайсарда» ойнайды

2020 жылдың 16 қаңтар 2020 12:42

ҚЫЗЫЛОРДА. ҚазАқпарат - Қызылорданың «Қайсар» командасы украиналық қорғаушы Ризван Аблитаровпен келісімшартқа отырды, деп хабарлайды ҚазАқпарат тілшісі клубтың баспасөз қызметіне сілтеме жасап.

Р.Аблитаров 1989 жылдың 18 сәуірінде дүниеге келген. Бүгінгі күнге дейін Украинаның «Севастополь», «Буковина», «Титан», «Оболонь-Бровар», «Черноморец» (Одесса), Латвияның «Даугава» (Даугавпилс) командаларында ойнаған. 2017 жылдан бері қазақстандық «Атырау» клубының сапында 34 ойын көрсетіп, қарсыластар қақпасына 2 гол соқты.

Бұдан бұрын «Қайсар» басшылығы қорғаушылар - Елдос Ахметов және Бағдат Қайыров, грузиялық шабуылшы Элгуджа Лобжанидзе, кабо-верделік жартылай қорғаушы Алвин Фортеспен келісімшартқа отырған болатын.

Айта кетейік, «Қайсар» 3-27 қаңтар аралығында Түркияның Анталия қаласында алғашқы оқу-жаттығу жиынын өткізеді. Қазір командада қазақстандық футболшылармен бірге Ресейден Алексей Шумских, Украинадан Ризван Аблитаров, Мозамбиктен Режиналдо Файфе сынақтан өтуде.


Автор Әділжан Үмбет
Басты сөздер: Қызылорда облысы, Спорт,
Жоғары қарай