Ауа райы
Астана -1 °С
Алматы 3 °С
валюта бағамы
USD 386.30
EUR 428.14
RUB 6.08
CNY 54.87

Үш өңірде аязға байланысты сабақтар тоқтатылды

2019 жылдың 21 қараша 2019 07:13

НҰР-СҰЛТАН. ҚазАқпарат - Нұр-Сұлтан қаласы мен Шығыс Қазақстан, Қарағанды облыстарының мектептерінде аязға байланысты сабақтар тоқтатылды, деп хабарлайды ҚазАқпарат.

«21 қараша ауа райының колайсыздығына байланысты (қатты аяз) қала мектептерінің бірінші ауысымындағы 0-9 сынып оқушылары үшін сабақ болмайды», - делінген елордалық Білім басқармасының хабарламасында.

Сондай-ақ ШҚО-ның бірнеше ауданы мен қалаларында білім беру процесі тоқтатылды.

Атап айтқанда, -28-34 аязға байланысты Өскемен қаласында, Алтай, Глубокое, Бесқарағай, Көкпекті, Абай, Ұлан, Тарбағатай, Аягөз және Жарма аудандарында бірінші ауысымдағы 1-11 сыныптарға, сонымен қатар Семей мен Риддер қалаларында бірінші ауысымдағы 1-9 сыныптарға, Бородулиха, Катонқарағай аудандары мен Курчатов қаласында 1-4 сынып оқушыларына сабақтар тоқтатылды.

Ал Қарағанды облысында Бұқар жырау және Осакаров аудандарында, Теміртау қаласында бірінші ауысымдағы 0-9 сыныптар, Абай, Ақтоғай, Нұра, Жаңаарқа аудандарында және Қарағанды, Саран, Шахтинск, Қаражал қалаларында 0-4 сыныптар оқымайды. Бұл өңірде осы уақытта -27-28 градус аяз тұр.

Жоғары қарай