Ауа райы
Астана 4 °С
Алматы 2 °С
валюта бағамы
USD 435.54
EUR 473.08
RUB 5.76
CNY 61.64

Ұшақ апаты: жансақтау бөлімінде жатқан дәрігер палатаға ауыстырылады

2020 жылдың 8 қаңтар 2020 19:10

АЛМАТЫ. ҚазАқпарат – Ұшақ апатынан жарақат алған әйел алдағы бір-екі күнде жансақтау бөлімінен палатаға ауыстырылады. Бұл туралы Алматы қалалық қоғамдық денсаулық сақтау басқармасы бастығының міндетін атқарушы Тілеухан Әбілдаев айтты, деп хабарлайды ҚазАқпарат тілшісі.

Әуе апатынан зардап шеккендердің ішінде жансақтау бөлімінде бір адам жатыр. Ол - Нұр-Сұлтан қаласындағы травматология және ортопедия ғылыми-зерттеу институтында.

«Жансақтау бөлімінде жатқан әйелдің жағдайы тұрақты. Ол біздің әріптесіміз, дәрігер. Оның иық сүйегі бірнеше жерден сынған. Сондықтан оған екі рет операция жасалды. Қазір оның жағдайы алаңдаушылық туғызбайды», - деді Тілеухан Әбілдаев.

Еске сала кетейік, 2019 жылдың 27 желтоқсанында Алматыдан Нұр-Сұлтан қаласына ұшып шыққан 93 жолаушы және 5 экипаж мүшесі мінген ұшақ апатқа ұшыраған болатын. 12 адам қаза тапты.

Кейін Алматы әуежайы «Bek Air» ұшағының құлау уақытының хронологиясын жариялады.



Жоғары қарай