Ауа райы
Астана -8 °С
Алматы 0 °С
валюта бағамы
USD 389.86
EUR 435.32
RUB 6.12
CNY 55.12

Үйі өртеніп кеткен қостанайлық отбасы халықтан көмек сұрады

2019 жылдың 1 наурыз 2019 21:25

ҚОСТАНАЙ. ҚазАқпарат - Үйінің түгі қалмай жанып кеткен Қостанай тұрғыны тұрғындардан көмек сұрайды, деп хабарлайды ҚазАқпарат.

Бұған дейін хабарлағанымыздай, 27 ақпан күні сағат 17:00 шамасында Қостанай-2 шағын ауданында екі тұрғын үй өртенді.

Өрт 350 шаршы метр аумақты шарпыған.

«Бәрі аяқ астынан болды. Қазірдің өзінде не істерімді білмей тұрмын. Үйіміздің сау-тамтығы жоқ. Үстіміздегі киіммен ғана далада қалдық. Балалар таныстарымыздың үйінде. Халықтан көмек сұрауға мәжбүр болып отырмын», - дейді үйі өртенген Мырзағали Өтегенов.

Қазіргі уақытта шығын көлемі есептелуде. Өрт 27 ақпанда сағат 19:03-те толығымен сөндірілді.

«Алдын ала болжам бойынша өрт электр сымдарының қысқа тұйықталуынан шыққан. Оқыс жайттың нақты себептерін анықтап жатырмыз», - деді облыстық ТЖД бастығының орынбасары Азамат Орынбаев.

Жоғары қарай