Ауа райы
Астана 9 °С
Алматы 3 °С
валюта бағамы
USD 389.59
EUR 429.06
RUB 6.05
CNY 55.07

Зарина Дияс Осака турнирінің іріктеу сайысын сәтті бастады

2019 жылдың 14 қыркүйек 2019 13:53

НҰР-СҰЛТАН. ҚазАқпарат – Қазақстандық теннисші Зарина Дияс Жапониядағы Осака WTA турнирінің іріктеу сайысын сәтті бастады, деп хабарлайды ҚазАқпарат тілшісі.

Әлемнің 80-ракеткасы З.Дияс дүниежүзілік рейтингте 304-орында тұрған жапониялық Михару Иманисимен кездесті.

Қазақстандық теннисші көп қиналмай, 6:1, 6:4 есебімен жеңіске жетті.

Бәсеке 1 сағат 7 минутқа созылды.

З.Дияс іріктеу сайыстарының финалында тағы бір жапониялық, рейтингте 327-сатыдағы Киока Окамурамен шеберлік байқасады. Оны жеңсе, негізгі турнирге жолдама алады.

Еске сала кетейік, бұдан бұрын Юлия Путинцеваның әлемнің 3-ракеткасы Элина Свитолинадан ұтылып қалғанын, ал Елена Рыбакинаның Наньчан турнирінің жартылай финалына шыққанын жазған болатынбыз.


Автор Елжан Ералы
Басты сөздер: Спорт,
Жоғары қарай