Ауа райы
Астана -3 °С
Алматы 8 °С
валюта бағамы
USD 388.07
EUR 427.54
RUB 6.08
CNY 55.36

Жамбыл облысында 7 бірдей көлік соқтығысып, 3 адам ауруханаға түсті

2019 жылдың 2 ақпан 2019 01:59

ТАРАЗ. ҚазАқпарат - Жамбыл облысы Жуалы ауданында ірі жол-көлік оқиғасы орын алды, деп хабарлайды ҚазАқпарат.

Аталмыш жол көлік оқиғасының куәгерлер түсіріп алған бейнежазбасы «WhansApp» месенджерінде тарап кеткен болатын. Бейнежазбадан байқағанымыздай, оқиғаға қалың тұман себеп болған. Бұл туралы облыстық полиция департаментінің баспасөз қызметі де мәлімдеме жасап үлгерді.

«2019 жылдың 1 ақпаны күні сағат 17:10 шамасында "Батыс Еуропа - Батыс Қытай" тас жолының 552-шақырымында қалың тұманның салдарынан бір бағытта бет алған жеті көлік апатқа ұшырады. Салдарынан, Жуалы аудандық орталық ауруханасына бір адам, Тараз қалалық №1 ауруханасына екі адам жатқызылды, қаза болғандар жоқ», - дейді облыстық ПД-нің баспасөз хатшысы Гүлсара Мұхтарқұлова.

Құзырлы органның мәліметінше, аталған дерек бойынша жол қозғалысы ережесін бұзған жүргізушілерге қатысты ҚР Әкімшілік құқық бұзушылық туралы кодекстің 610-бабы 1, 2-бөліктері бойынша хаттама толтырылып, барлық жеті көлік құралы айыптұраққа қойылған.

Қазіргі уақытта сараптама тағайындалып, тергеп-тексеру жұмыстары жүргізілуде.




null




null

Жоғары қарай