Ауа райы
Астана 25 °С
Алматы 29 °С
валюта бағамы
USD 384.87
EUR 432.52
RUB 6.11
CNY 55.95

Жамбылда бір күнде 582 мәрте жол ережесі бұзылған

2019 жылдың 23 маусым 2019 04:39 507

ТАРАЗ. ҚазАқпарат - Жамбыл облысында «Қауіпсіз жол» жедел алдын алу іс-шарасы барысында бір күнде 600-ге жуық әкімшілік құқық бұзушылық анықталды, деп хабарлайды ҚазАқпарат.

Айта кетейік, Жамбыл облысы полиция департаментінің жергілікті полиция қызметі патруль полиция батальоны қызметкерлері «Қауіпсіз жол» жедел алдын алу іс-шарасын өткізуде. Іс-шара үш күнге жоспарланған.

«Іс-шара жол қозғалысы ережесін бұзу фактілерін анықтауға, соның ішінде мас күйінде көлік құралын басқару, қарама-қарсы жолға шығу, авариялық жағдайдың туындауына, жолаушыларды заңсыз тасымалдау секілді кемшіліктерді анықтауға бағытталған. Алғашқы күннің қорытындысы бойынша 582 әкімшілік құқық бұзу фактісі анықталса, оның 20-сы қоғамдық көліктің қатысуымен орын алған»,- дейді облыстық полиция департаменті баспасөз қызметінің жетекшісі Гүлсара Мұхтарқұлова.

Жамбыл облысының полиция департаменті жол қозғалысына қатысушыларды сақ болуға және жол қозғалысы ережелерін әрдайым сақтауға шақырады. 

 

 

Автор Ғибрат Сембай
Басты сөздер: Заң, Жамбыл облысы, Көлік,
Жоғары қарай