Ауа райы
Астана -17 °С
Алматы -1 °С
валюта бағамы
USD 388.49
EUR 427.26
RUB 6.06
CNY 55.32

Жапонияда императордың таққа отыруына байланысты 550 мың адамға рақымшылық жасалмақ

2019 жылдың 16 қазан 2019 10:03

НҰР-СҰЛТАН. ҚазАқпарат – Жапония үкіметі елдің жаңа императоры Нарухитоның таққа отыруына байланысты сотты болған 550 мың адамға рақымшылық жариялауды көздеп отыр, деп хабарлайды ҚазАқпарат Yomiuri Shimbun басылымына сілтеме жасап.

Ресми дереккөздердің мәлімдеуінше, рақымшылықтың егжей-тегжейі туралы соңғы шешімді ел үкіметі осы аптаның аяғына қарай қабылдайды. Содан кейін оны монарх мақұлдауы қажет.

Бұған дейін Жапонияда 1990 жылы – император Акихито таққа отырғанда істі болған 2,5 млн адамға рақымшылық жасалған. Енді император тақты өз еркімен ұлы Нарухитоға тапсырды.

Император Нарухито биыл 1 мамырда таққа отырған. Сол кезде оған мемлекеттің бас мөрі мен император мөрі, мемлекеттік символдар тапсырылған.

Бірақ жаңа императордың таққа отыруына байланысты басты салтанаттар 22 қазан күні және қараша айында өтеді.

Басты сөздер: Қоғам, Әлем,
Жоғары қарай